आठवतो का रे १३ जून चा दिवस ?

आठवतो का रे १३ जून चा दिवस ?

झिरमिर पावसात नव्या रेनकोट मध्ये आपलं जुनंच दप्तर कोंबून , चिखल तुडवत आज च्या दिवशी नव्या गणवेशात शाळेत जायचो आपण आठवतंय का ?

नवा वर्ग , नवी रांग , नवा बेंच आणि नवे मित्र आठवतंय का ?

" एक साथ नमस्ते आम्ही आपले स्वागत करतो " ह्या वाक्याने नव्या शिक्षकांचं स्वागत करायचो आपण आठवतंय का ?

नवा हजेरी पट आणि त्यावर आपलं नाव चुकून जर का आलं नाही तर वाटणारी भीती आठवते का ?

नव्या वह्या पुस्तकांचा वास आज ही नाकात तसाच आहे ,

सगळ्या वाह्यांच ब्राऊन कव्हर आणि त्यावर मारलेल्या स्तेपलर च्या पिना आठवतायत का ?

मधल्या सुट्टी त मुतारी बाहेरची रांग , हाथ धुवायची लगबग आणि नव्या डब्यातल्या जाम चपाती ची चव आठवते का ? 

वर्ग विसरून चुकून दुसऱ्याच वर्गात जाऊन बसल्यावर होणारी फजिती आठवते का ?

आपल्या वर्गाला जेव्हा मैदानावर जायला मिळायचं तेव्हा बाकीच्या वर्गातल्या पोरांना दाखवलेल्या जिभा , खेळताना फुटलेलं ढोपर आणि त्यावर डेटॉल चा कापूस लावल्यावर होणारी आग आठवते का ?

शाळा सुटताना होणारं वंदे मातरम् आणि " जय हे , जय हे " यायच्या आधीच दप्तरात अडकवलेले हाथ , उद्या लवकर ये रे अशी मित्राला घातलेली साद , मुख्याध्यापिकांनी वटारलेले डोळे आणि छडीचा मार आठवतोय का ?

.

.

काहीसा असा असायचा आपला शाळेचा पहिला दिवस आठवतंय का ?

१३ जुन ही तारीख आठवतेय का ????

जर का आठवले असतील ते दिवस तर आपल्या शाळेतल्या मित्र मैत्रीणींची आठवण करा जरा ❣️

.

.

# शाळा #

मिलिंद आरोलकर.